Со посветеноста на наставниот кадар и активното учество на учениците, училиштето гради вредности засновани врз знаење, професионалност, почитување и заедништво. Горди на својата традиција и насочени кон иднината, во ОСТУ „Наце Буѓони“ се негува духот на соработката, креативноста и стремежот кон постојано усовршување, потврдувајќи дека училиштето не е само место каде што се стекнува знаење, туку и средина во која се создаваат успешни млади луѓе и се градат темелите на иднината.

Преку интерактивна и групна работа, младите ги препознаваат локалните предизвици, ги споделуваат своите идеи и учат како од проблем да стигнат до конкретно решение и прв чекор за акција. Особено ни е драго што нашите ученици се дел од процес што ги охрабрува да бидат активни, креативни и вклучени во развојот на својата заедница.

Од нашето училиште со прво место се закитија учениците Леонтина Милковска III8,Леонтина Цветановска III8 и Теодор Трајановиќ IV7,а четврто место учениците Сара Даниловска III 7,Јана Марковска III7, Лела Недељковиќ I9 и Ива Милковска I9.

Учениците кои го освоија првото место продолжуваат со својата идеја и решение за својот град во Скопје. #ЛАПСИ #Млади #МладинскоУчество #ProjectBOOST #BOOSTtheBalkans

Конкурсот беше наменет за учениците од основните и средните училишта, со цел преку литературното творештво да се одбележи еден од најзначајните датуми во македонската историја. Учесниците имаа можност преку пишаниот збор да ги изразат своите размислувања и доживувања поврзани со историското значење на 11 Октомври.

Теодора Николовска се претстави со својот расказ, со кој го освои првото место во конкуренција на средните училишта. Читањето на литературните творби се одржа на 11 Октомври во Комитет – Куманово. За најуспешните творби одлучуваа професори по македонски јазик, кои избраа три наградени учесници во категоријата основни училишта и три во категоријата средни училишта. За постигнатиот успех, Теодора Николовска доби диплома и награда, како признание за нејзиното учество и литературно творештво.

Ова признание претставува поттик за понатамошно негување на литературното изразување кај младите, како и за зачувување на историската меморија и вредностите што ги носи празникот 11 Октомври – симбол на слободољубие, пожртвуваност и стремеж за слобода.

Во рамки на проектот беа вклучени 24 ученици од различна етничка припадност, 12 ученици од македонска  и 12 ученици од албанска етничка припадност, 4 наставници и 2 стручни соработници од мешан етнички состав  при Општинско средно училиште ,,Наце Буѓони,, Куманово. Од партнер училиште ДСУ РЦСОО ,,Коле Неделковски,, Велес исто така учествуваа 24 ученици, 4 наставници и 2 стручни соработници од мешан етнички состав.

Време на тргнување на учениците и наставниците за Велес беше 9: 00 часот.

По пристигнувањето во ДСУ РЦСОО ,,Коле Неделковски,, и претставување на
раководството, учениците беа поделени во две групи за реализација на две различни
активности. Едната група учествуваше во активност работилница “Природна и здрава
храна”, а втората група во работилница “Јавно говорење и водење дебата”.

Работилница: “Природна и здрава храна”

Работилница: “Јавно говорење и дебата”

Преку презентации подготвени од страна на учениците од двете партнер училишта  се запознавме со процесот на одгледување на здрава храна и важноста од користење на здрави и свежи намирници при готвењето.

Беа прикажени видео записи, истражувања кои учениците ги направиле за храната која ја јаделе нивните предци , производство и подготовка на здрава традиционална храна.

По исцрпните презентации, имавме можност да видиме одблизу сушење на овошје со помош на дехридатор за храна а подоцна и истото да го вкусиме.

Презентација на здрава традиционална храна

Подготовка на овошје и сушење во дехридатор за храна

Дехридатор за храна

Учениците кои беа дел од втората работилница: ,,Јавно говорење и дебата,, во мешан етничкли состав добија инструкции да се поделат во два тима. Секој тим имаше задача да да определи лидер кој ја застапува групата а потоа им беше споделена темата на дебата  “Употреба на масовна култура-Џинс култура”. По завршување на  дебата добија задача  истата да ја претстават на хамер, а подоцна и да ја презентираат. Како краен резултат од спроведената работилница имавме изработени хамери на двата тима, дружење, меѓусебно запознавање на учениците, развивање на толеранција, интеракција, прифаќање и меѓусебно почитување

По реализираните активности и предвидениот ручек, учесниците од двете партнер училишта имаа можност за кратка прошетка низ убавините на градот Велес,  каде дружбата, меѓусебното запознавањето и создавање на нови пријателства продолжи и придонесе за подигање на свесноста кај учениците за вредносниот систем како дел од интеркултурализацијата.

По завршување на активностите и дружбата, во 15:00 часот  се упативме за Куманово.