Нашата ученичка Дарија Трендафиловска од III-9, под менторство на професорката Лидија Цветкова, освои прва награда за литературна творба на македонски јазик.

ОСТУ „Наце Буѓони“ продолжува со успесите!

На обуката учествуваа 24 ученички, професорки и претставнички од стручната служба од ОСТУ „Наце Буѓони“ и Гимназија „ Гоце Делчев“ Куманово и ОЕМУЦ „Св. Наум Охридски“ и СОСУ „Св. Кирил и Методиј“ од Охрид.

Од нашето училиште учествуваа ученичките: Лана Крушиќ, Лана Манасиевска, Сара Димковска и Теодора Николовска.

Се работеа теми како личен развој, препознавање здрави/токсични односи, поставување здрави граници, градење самодоверба, комуникација и справување со општествени притисоци. Особено значајно е што учесничките ќе преземат активна улога како врснички едукатори и лидери во своето училиште пренесувајќи знаење, охрабрување и поддршка на своите врсници , но и активности со родители и наставници.

На обуката ученичките преку изработка на стикери и видео по свое сценарио испратија јасни пораки:

-Секој заслужува да се чувствува безбедно, почитувано и вреднувано

-Силата започнува со свесност

-Здравите врски градат здраво општество

Со голем натпреварувачки дух настапија нашите ученици – атлетичари освојувајќи 5 места на подиум. 

Трка на 1000м машки во соло трка нашиот ученик се пласира на Државно првенство!

🥇место Ведран Николовски I-5 клас

🥉место Немања Стошевски II-5 клас

Трка на 800м женски и пласман на Државно:

🥈место Јована Трајковска II-8 клас

Фрлање ѓуле машки:

🥈место и пласман на Државно – Дарко Радовановски IV-6 клас

🥉место Антонио Стевковски III-1 клас

Честитки до сите наши ученици кои настапија денес, го дадоа максимумот од себе, постигнувајки солидни резултати. Физички активна младина има здрава иднина. Честитки и за другите средни училишта кои се натпреваруваа.

Ученици од трета и четврта година од здравствената струка  го посетија Диаверум и добија стручен одговор од тимот  лекари Др.Иван Крстевски и Др.Марија Тодоровска,поранешни успешни ученици од нашето училиште.Голема благодарност и до тимот медицински сестри на Диаверум кои  зборуваа за улогата на медицинската сестра при нега на овие пациенти, Тања Георгиевска,Драгана Симоновиќ,Елена Ристевска.Во Диаверум секогаш се чуствуваме добредојдени благодарение на Фросина Ефремовска и Магдалена Величковска.

✅ Најсовремените методи за третман на бубрежни заболувања.

✅ Важноста на екологијата и нејзиното влијание врз здравјето на пациентите.

✅ Хуманата страна на нашата идна професија,беа дел од дискусијата која се одвиваше.

Раното препознавање е клучот! Како идни медицински лица, наша мисија е да ја подигнеме свеста за превенција и здрави навики.

Во текот на февруари и март Активот по македонски јазик и литература организира две работилници во просториите на Градската библиотека.Првата,организирана на 9 февруари беше под наслов „Приказната на два начина:читање или екранизација? На оваа работилница учествуваа матурантите од нашето училиште,така што постоеја различни видувања поврзани со книгата и нејзината филмска верзија. Креативноста, размислувањата и иновативноста на учениците беше на едно високо ниво.

Втората работилница беше на 4 март, но сега под наслов „Жените што го променија светот“. Оваа активност ја спроведоа учениците од трета и прва година, а имавме можност да слушнеме различни размислувања , се истакнаа значајни жени кои оставиле белег во историјата,но и улогата на жената која се докажала во сите сфери од нашето општество.

Благодарност до Градската библиотека за искажаната доверба, но и голема пофалба за нашите ученици кои се претставија во најдобро светло со своите ставови, размислувања и достојно го презентираа „Наце Буѓони“.

Целта на оваа активност е да се надминат бариерите и причини за врсничко насилство и во мешан етнички и родови групи учениците играа и се дружеа. Игрите се во рамки на завршни активности во рамки на проект ,,Безбедна училишна средина“.

За време на посетата, децата се запознаа со здравствената, електротехничката и машинската струка, преку презентации, демонстрации и непосредна комуникација со учениците и наставниот кадар.

Преку ова искуство, најмладите имаа можност да видат како изгледа наставниот процес, опремата и практичната работа во различни области, што придонесе за развивање љубопитност, интерес и почетно професионално осознавање.

Оваа активност произлегува од потпишаниот Меморандум за соработка помеѓу директорката на ЈОУДГ „Ангел Шајче“ – Ивана Николиќ и директорот на ОСТУ „Наце Буѓони“ – Драган Јаневски, чија цел е унапредување на воспитно-образовниот процес преку заеднички активности, размена на искуства и практични форми на учење.

Во рамки на одбележувањето на месецот, во нашето училиште ни гостуваа нашиот поранешен ученик д-р Дарко Каранфиловски и д-р Никола Стефановски. Преку видео презентација и отворена дискусија тие им одржаа предавање на учениците, споделувајќи знаења, искуства и пораки за поддршка и хуманост.

Ретките болести можеби се ретки, но емпатијата, солидарноста и грижата не смеат да бидат. Нашата должност како идни медицински сестри е да бидеме поддршка, разбирање и надеж за секој пациент.

Реткоста инспирира.

Остави траг.

На работилницата учествуваа ученици од четврта година-здравствена струка, кои преку интерактивни активности, дискусии и практични примери имаа можност да се запознаат со поимот корупција, нејзините последици врз здравството и улогата на институциите за спречување на корупцијата.

Работилницата им овозможи на младите активно да размислуваат за својата улога како идни граѓани и професионалци, нагласувајќи дека промените започнуваат со личен интегритет и одговорност.

Настанот заврши со порака дека образованието и информираноста се клучни алатки во борбата против корупцијата и во градењето праведен и ефикасен здравствен систем.

Активност е реализирана во рамки на проектот ,,Безбедна училишна средина” поддржана од Детска фондација Песталоци кој се спроведува од страна на Coalition of youth organizations SEGA, во партнерство со МЦГО – Македонски центар за граѓанско образование /,Прва детска амбасада Меѓаши / First Children’s Embassy Megjashi, SmartUp – Social Innovation Lab.