Учениците од здравствената струка – идни медицински сестри, во соработка со Здружението на дијабетичари, вршеа мерење на крвен притисок и шеќер во крвта кај нашите сограѓани.Учениците спроведоа анкета меѓу населението за животните навики кои се застапени меѓу популацијата која денес беше во паркот.

По повод денот на здравјето беа оддржани и едукативни работилници и панел дискусија на различни теми од областа на медицината.

Заедно придонесуваме кон подигнување на свеста за здравјето и превенцијата.

Овогодинешното мото за Светскиот ден на здравјето:
„Заедно за здравјето. Застанете зад науката!“

Науката е темел на здрави заедници – преку знаење, едукација и превенција создаваме подобра и посигурна иднина за сите.

Ученици од трета и четврта година од здравствената струка  го посетија Диаверум и добија стручен одговор од тимот  лекари Др.Иван Крстевски и Др.Марија Тодоровска,поранешни успешни ученици од нашето училиште.Голема благодарност и до тимот медицински сестри на Диаверум кои  зборуваа за улогата на медицинската сестра при нега на овие пациенти, Тања Георгиевска,Драгана Симоновиќ,Елена Ристевска.Во Диаверум секогаш се чуствуваме добредојдени благодарение на Фросина Ефремовска и Магдалена Величковска.

✅ Најсовремените методи за третман на бубрежни заболувања.

✅ Важноста на екологијата и нејзиното влијание врз здравјето на пациентите.

✅ Хуманата страна на нашата идна професија,беа дел од дискусијата која се одвиваше.

Раното препознавање е клучот! Како идни медицински лица, наша мисија е да ја подигнеме свеста за превенција и здрави навики.

Во текот на февруари и март Активот по македонски јазик и литература организира две работилници во просториите на Градската библиотека.Првата,организирана на 9 февруари беше под наслов „Приказната на два начина:читање или екранизација? На оваа работилница учествуваа матурантите од нашето училиште,така што постоеја различни видувања поврзани со книгата и нејзината филмска верзија. Креативноста, размислувањата и иновативноста на учениците беше на едно високо ниво.

Втората работилница беше на 4 март, но сега под наслов „Жените што го променија светот“. Оваа активност ја спроведоа учениците од трета и прва година, а имавме можност да слушнеме различни размислувања , се истакнаа значајни жени кои оставиле белег во историјата,но и улогата на жената која се докажала во сите сфери од нашето општество.

Благодарност до Градската библиотека за искажаната доверба, но и голема пофалба за нашите ученици кои се претставија во најдобро светло со своите ставови, размислувања и достојно го презентираа „Наце Буѓони“.

Целта на оваа активност е да се надминат бариерите и причини за врсничко насилство и во мешан етнички и родови групи учениците играа и се дружеа. Игрите се во рамки на завршни активности во рамки на проект ,,Безбедна училишна средина“.

Општинскиот сојуз на спортови на град Куманово вечерва на свечен настан ги прогласи најдобрите спортисти, спортски работници, училишта и клубови за 2025 година.

Во категоријата спортисти младинци најдобри за 2025 кои добија признанија:

Марио Пешевски–Атлетски клуб КУМАНОВО ученик во III-7

Петар Станковски–Кик Бокс клуб Предатор ученик во III-7

Наум Милановски–Кик Бокс клуб Предатор ученик во IV-5

Во категоријата најмлади спортисти награда доби:

Ведран Николовски – Атлетски клуб Куманово ученик во I-5

Честитки до нашите ученици за постигнатите резултати и добиено признание, поттик за претстојната година да продолжат со истата желба за напредок и постигнување на врвни спортски резултати.

“Како промотор на самата авторка беше професорката Катерина Пешевска, воедно и нејзин ментор и класен раководител, а рецензија за романот спреми Елизабета Павловска, претседател на Друштво на писатели на Куманово. Младата авторка Ивона присутните ги остави без зборови со својот талент,скромност и посветеност кон убавиот пишан збор.Во преполната сала во Занаетчискиот дом беа прочитани извадоци од делото,а програмата беше збогатена со културно-уметничка програма.

На Ивона Петровска и посакуваме храбро да продолжи кон својата цел- создавање на уметност и уште повеќе промоции на нови романи.Со среќа Ивона.

Присутните имаа можност да проследат краткометражен документарен филм за ликот и делото на Св. Климент, литературно читање на поетски творби и извадоци од познати дела, како и да разгледаат изложбена поставка на книги обезбедени од градската библиотека.
Учество земаа ученици од ООУ „Браќа Миладиновци“, СОУ Гимназија „Гоце Делчев“ и ОСТУ „Наце Буѓони“.

Учествуваа следниве наши ученици-Дарија Трендафиловска и Андријана Јакимовски од трето 9 и Петар Димитриевски од трето 5, кои читаа творби посветени на Климент Охридски, а особено внимание привлече интерпретацијата на песната „Ни кадифе, ни смола“, дело на ученичката Дарија Трендафиловска.

Настанот беше организиран од Фондацијата за култура и спорт – Куманово, под покровителство на Општина Куманово, во соработка со ЈОУ Библиотека „Тане Георгиевски“.

Машкото здравје не е табу.
Силни сме кога се грижиме за себе.
Разговорите за ментално здравје не нè прават послаби – туку посилни.
Редовни прегледи = паметен потег, не страв.

Овој месец, ја подигаме свеста, ги рушиме предрасудите и покажуваме дека вистинската сила е во тоа да бидеш одговорен за своето здравје.Го поддржуваме машкото здравје, ги рушиме табуата и покажуваме дека силата не е во молкот – туку во искреноста.

Нека нашиот пример инспирира и други!