Наце Буѓони - Општинско Средно Техничко Училиште » Bojan Bozinovski

Успешно реализирана трета активност во рамките на “Проектот за меѓуетничка интеграција на млади во образованието”

Bojan Bozinovski — Tue, 22 Oct 2019 11:28:49 +0000

Во рамките на „Проектот за меѓуетничка интеграција на млади во образованието” нашето училиште во партнерство со ССОУ„Коле Неделковски“ – Велес на 16.10.2019г успешно ја реализираше третата активност од добиениот грант од МОН. На оваа активност земаа учество вкупно 28 ученици од прва и втора година од двете училишта со мешан етнички состав, членови на тимот за училишна интеграција, родители и одговорни наставници по спорт и спортски активности.
На работилницата со тема: „ Како да станеш успешен лидер “ учениците избраа крал и имаа можност да искажат што очекуваат од избраниот крал, имаа активности за слепо водење од лидер, диригент следење на лидер и зајакнување со импулс. Потоа во парови ученици од мешан етнички состав играа различни спортски игри. Дружбата заврши со кратка прошетка во Велес.

TECHNOSCIENCE по 8-ми пат во Наце Буѓони

Bojan Bozinovski — Thu, 30 May 2019 20:05:33 +0000

Нашето училиште ОСТУ„Наце Буѓони“ по повод 24 Мај – Денот на просветителите по осми пат го организираше традиционалниот технички саем „TEСHNOSCIENCE 2012“ на трудови, вештини и знаења кај деветооделенците.

Настанот се одржа на 28.05.2019 год. со почеток во 10 ч. во просториите на училиштето. Учество земаа 13 основни училишта од Општина Куманово и Општина Старо Нагоричане, со околу 120 ученици-учесници.

Учениците од основните училишта се претставија со своите трудови од областа на информатика, програмирање, физика, математика, биологија, екологија, хемија, историја и други природни науки како и со изработка на презентации во IMPRESS и спортски активности (скок во далечина и атлетика).

Освен натпреварувачкиот дел на настанот учениците имаа можност да ги разгледаат штандовите со трудови на ученици од машинската, електротехничката и здравствената струка, да ги посетат дел од кабинетите, да се запознаат и поразговараат со ученици од нашето училиште, но и да се дружат и забавуваат со врсници од целиот град.

Во склоп на настанот се одржа и трибина на тема ,,Потребите за взаемна соработка меѓу стручното образование и стопанството”.

Голема благодарност до нашите спонзори фирмите Сокара Кватро, Пица ресторан Помодоро, Ресторан Грација, Екстра Меин , Бучен Козјак, кои со своите производи го збогатија овој традиционален настан.

Наце Буѓони по 7ми пат на фестивалот во Ниш ,,Наук није баук”-11

Bojan Bozinovski — Mon, 27 May 2019 20:00:11 +0000

Учениците од ОСТУ „Наце Буѓони“ – Куманово земаа учество на фестивалот ,,Наук није баук” кој по единаесети пат, се одржа на Електронскиот факулет ,,Никола Тесла” во Ниш, Србија на 24 и 25 Мај.

На овој фестивал беа претставени 6 труда на учениците од нашето училиште под мотото ,,Стварамо бољу будуќност”. Оваа година се претставија селектирани само 50 училишта и факултети од регионот, меѓу кои и нашето.
Штандот беше еден од најбогатите со трудови и меѓу најпосетените на фестивалот.

Ученици од “Наце Буѓони” во посета на едукативниот “Изложбен центар Матка”

Bojan Bozinovski — Wed, 08 May 2019 06:25:08 +0000

На 24.04.2019г. учениците од нашето училиште од III – та година во образовниот профил електротехничар – енергетичар беа во посета на “Изложбениот центар Матка” кој е во сопственост на компанијата “ ЕВН – Македонија”.

Учениците имаа можност да видат реални генератори, да се запознаат со улогата и работата на контролната соба, односно да го разберат начинот на функционирање на една реална хидроцентрала. Исто така, преку низа експонати ги продлабочија и своите знаења за обновливи извори на енергија, за патот на електричната енергија од место на производство до нашите домови, а добија и многу корисни совети од аспект на енергетска ефикасност и рационално искористување на електрична енергија.

Не недостигаше ни забава. Учениците сами генерираа енергија, правеа експерименти за бежичен пренос на електрична енергија и имаа можност да ги видат реакциите на хидроцентралата во услови на хаварија.

,,Наце Буѓони” и оваа година ги собра медалите на 55-тиот ,,Државен натпревар на младите истражувачи”

Bojan Bozinovski — Sun, 14 Apr 2019 08:53:54 +0000

На 13 април 2019 година ученици од ОСТУ,,Наце Буѓони” учествуваа на 55-тиот ,,Државен натпревар на младите истражувачи” од Република Северна Македонија кој се одржа во СОУ „Перо Наков„ – Куманово.

Ученици кои земаа учество и награди се:

Категорија: Примена на софтвер – Бојан Божиновски – I место

Ментор: Јелена Поп Глигорова

Категорија: Дизајн на веб страници – Данило Гишевски – I место

Ментор: Ненад Ставревски

Категорија: Микробиологија – Теодора Атанасовска – I место

Ментор: Ленче Ѓоршевска-Анѓеловиќ

Категорија: Фармација – Јована Даштевска – III место

Ментор: Ленче Ѓоршевска-Анѓеловиќ

Категорија: Агротехника – Гала Арсовска – III место

Ментор: Славица Караникиќ

Пофалници:

Категорија: Астрономија – Стефан Николиќ

Ментор: Биљана Кушински

Категорија: Биохемија – Мартина Димитријевиќ

Ментор: Ленче Ѓоршевска-Анѓеловиќ

Категорија: Микробиологија – Калиопи Николова

Ментор: Славица Караникиќ

Категорија: Фармација – Мартa Стефановска

Ментор: Магдалена Трајановиќ

Категорија: Применета Физика – Мартин Крстевски

Ментор: Биљана Кушински

Овој натпревар се организира од страна на Народна техника на Македонија, Сојуз на здруженијата на младите истражувачи на Македонија – ”Наука на младите” и Народна техника – Куманово. Поддржано е од Министерство за образование и наука на Република Северна Македонија.

Arduino автомобил

Bojan Bozinovski — Mon, 24 Dec 2018 11:54:07 +0000

Изработено од Кристијан Максимовски