Наце Буѓони - Општинско Средно Техничко Училиште » Marija Krstevska

Распоред за полагање на ДОПОЛНИТЕЛНИ и ВОНРЕДНИ испити во ДЕКЕМВРИСКА испитна сесија

Marija Krstevska — Wed, 30 Nov 2022 16:18:27 +0000

Ученици од ОСТУ „Наце Буѓони” со завидни резултати на литературен конкурс организиран од Друштвото на писатели од Куманово

Marija Krstevska — Wed, 30 Nov 2022 15:56:09 +0000

Повторно награди, традиционално, како и секоја година.

По повод Месецот на книгата, Друштвото на писатели од Куманово распиша награден литературен конкурс на тема “Да се напиеме од амфората на љубовта”!

Во силна конкуренција од сите средни училишта, нашите матурантки постигнаа завидни резултати.

Имено, песната на Бојана Спасовска е прогласена за “Нај песна” во 2022 година а Георгина Стојмановска доби втора награда!

Ментор на двете ученички е Лидија Цветкова!

Продолжуваме да мотивираме,охрабруваме и инспирираме да се негува убавиот пишан збор!

Нашето училиште има талентирани ученици кои го заслужуваат тоа!

Заедничка активност на ОСТУ „Наце Буѓони“ – Куманово и ССОУ „Коле Неделковски“ – Велес во рамки на Проектот за меѓуетничка интеграција на младите во образованието

Marija Krstevska — Sun, 27 Nov 2022 23:44:13 +0000

Во рамките на Проектот за меѓуетничка интеграција на младите во образованието двете партнер училишта ОСТУ „Наце Буѓони“ – Куманово и ССОУ „Коле Неделковски“ – Велес на ден 23.11.2022 год. реализираа уште една богата заедничка активност.

Учениците од различна етничка припадност заедно со одговорните професори прошетаа по Старата скопска чаршија и нејзините знаменитости меѓу кои беше и Чифте Амам во која знаменитост беше и старите бањи и нивното функционирање во минатото, а и да ја проследат ретроспективната изложба на Теофил Шулајковски. Потоа беше разгледана џамијата во чаршијата а беше посетен и Даут – паша амам во која беше поставката: на скулптури во фокус на Илија Аџиевски. Посетена беше црквата Свети Димитрија. Потоа учениците го поминаа Камен мост и прошетаа покрај кејот на Вардар.

Психологот Дивна Јанкова од ОСТУ „Наце Буѓони“ и психологот Соња Пашоска од ССОУ „ Коле Неделковски“ реализираа работилница на тема: „Како е да сум јас“ преку која учениците ставајќи се во кожа на другиот со оштетен вид, слух и говор како и други недостатоци станаа свесни за нивниот хендикеп и потреби од помош и разбирање.

Учениците и наставниците од двете партнер училишта поминаа заедно уште еден прекрасен ден и отидоа збогатени со нови искуства и доживувања со желба за нови истражувања.

УЧЕСТВО И НАГРАДИ НА 43-та МАКИНОВА и 20-та ЕКОНОВА 2022 година

Marija Krstevska — Thu, 17 Nov 2022 20:05:30 +0000

Учество на 43-та МАКИНОВА и 20-та ЕКОНОВА 2022 година во организација на Народна техника на Македонија, СПАТУМ и Министерство за образование и наука од 8-10 ноември, во Дом на Арм Скопје, каде нашите ученици од здравствена и електротехничка струка, електротехничар за компјутерска техника и автоматика се претставија со своите трудови и иновации како и секоја година.

Ученикот Марио Анѓеловиќ од насоката електротехничар за компјутерска техника и автоматика освои специјална награда (ментор- Јелена Поп Глигорова) .

Ученичката Анамарија Митковска од насоката медицинска сестра освои специјална награда (ментор – Ленче Ѓоршевска Анѓеловиќ ).

Ученичките Милица Стојковиќ и Теодора Вељановскаод насоката медицинска сестра освоија пофалници за учество (ментор – Ленче Ѓоршевска Анѓеловиќ ).

Ученичката Мила Вељановска од насоката медицинска сестра освои пофалница за учество (ментор – Магдалена Трајановиќ).

Ученици од ОСТУ „Наце Буѓони” добија една прва и две трети награди на ликовниот конкурс по повод Месецот на книгата

Marija Krstevska — Wed, 02 Nov 2022 06:55:32 +0000

По повод Месецот на книгата библиотеката “Тане Георгиевски” организираше и ликовен натпревар за ученици од средни училишта, на тема – “Една ноќ во Библиотеката” на кој учество зедоа и ученици од нашето училиште.

Традицијата на добиени награди продолжи и оваа година и со гордост може да кажеме дека во конкуренција од сите средни училишта, нашата ученичка Мила Алексиќ од ll9 клас доби прва награда, а ученичките Меланија Додевска од ll7 клас и Лаура Цветковска од ll9 клас добија трета награда.

Ментор на наградените ученици е Тања Соларска – Темелковски!

Ученици од ОСТУ „Наце Буѓони” добија прва и трета награда на литературниот конкурс по повод Месецот на книгата

Marija Krstevska — Wed, 02 Nov 2022 06:47:58 +0000

По повод Месецот на книгата библиотеката “Тане Георгиевски” организираше награден литературен конкурс на кој учество зедоа и ученици од нашето училиште.

Традицијата на добиени награди продолжи и оваа година и со гордост може да кажеме дека во конкуренција од сите средни училишта, нашиот ученик Марио Илиевски од ll6 клас доби прва награда за прозна творба а матурантката Георгина Стојмановска доби трета награда за поетска творба.

Ментори на наградените ученици се Катерина Пешевска и Лидија Цветкова!

Активот по македонски јазик и литература продолжува и понатаму да учествува на вакви манифестации кои го негуваат убавиот пишан збор и во кои младите се поттикнуваат да го искажат својот талент и љубов кон мајчиниот јазик!

Распоред за полагање на ДОПОЛНИТЕЛНИ и ВОНРЕДНИ испити во НОЕМВРИСКА испитна сесија

Marija Krstevska — Wed, 02 Nov 2022 06:30:55 +0000

Во ОСТУ „Наце Буѓони“ реализирана активност „Прва помош при повреда на лице место“ како дел од Проектот за меѓуетничка интеграција на младите во образованието

Marija Krstevska — Fri, 21 Oct 2022 19:31:06 +0000

Во рамките на Проектот за меѓуетничката интеграција на младите во образованието денеска учениците од ОСТУ „Наце Буѓони“ заедно со учениците од партнер училиштето ССОУ „Коле Неделковски“ Велес реализираа активност „Прва помош при повреда на лице место“. На активноста беа присутни над 30 ученици од мешан етнички состав од двете партнер училишта, директори, родители, претставници од тимовите за училишна интеграција и наставници. Учениците најнапред ја презентираа постапката за пружање прва помош во случај на: крварење, изгореници, шок состојба, потреба од вештачко дишење. Потоа учениците од медицинската струка при ОСТУ „Наце Буѓони“ практично презентираа давање на вештачко дишење, масажа и преврски. На крај беа изработени хамери од наученото од денешна презентација и практичните вежби. Средбата заврши со неформален дел во дружење, споделување на задоволство на реализирана активност која е една од низа на успешно завршени во претходните 10 години. Останува набргу да се реализира уште една активност во друг град и нови интересни содржини.

ОСТУ „Наце Буѓони“ одбележува 62 години од своето постоење

Marija Krstevska — Thu, 13 Oct 2022 13:17:07 +0000

Денеска во просториите на ОСТУ „Наце Буѓони“ го одбележавме 62 годишното постоење на нашето училиште.

Нека ни е честит Патрониот празник на училиштето.

Наставни планови и програми за учебната 2022/2023 година

Marija Krstevska — Thu, 29 Sep 2022 11:41:19 +0000

Во нашето училиште се изучуваат три образовни струки и за секоја од нив можете да ги видите наставните планови и програми.

Наставните планови и програми за машинска струка можете да ги погледнете тука.

Наставните планови и програми за електротехничка струка можете да ги погледнете тука.

Наставните планови и програми за здравствена струка можете да ги погледнете тука.