Учениците од здравствената струка од ОСТУ „Наце Буѓони“ Куманово го посетија домот за стари лица ,,Зафир Сајто”, каде на пензионерите им беше презентиран едукативен материјал подготвен од страна учениците заедно со нивните професори по практична настава. Тема на презентираниот материјал беше хипертензија и хипергликемија(симптони и начини за превенција).
При оваа посета, освен едукативниот дел, учениците од здравствената струка извршија мерење на крвен притисок и гликемија во крвта на старите лица. Со оваа тие дадоа свој придонес за рано дијагностицирање на овие заболувања и навремено интервенирање.
